Ou Koos
En ja, ou Koos,
het toe mos sonder blik of bloos
met ñ kop vol gevlegte toutjies
Rastafarier geword –
Nou dra ou Koos
‘n lang wit toga
oor sy kruisbande en tonteldoos –
Luister, ou Koos
in plaas van sakkie-sakkie
nou reggae –
Eet, ou Koos
in plaas van varkkaiïngs
nou Chakalaka –
rook, ou Koos
in plaas van Rum & Maple
nou Marijuana –
stook, ou Koos
in plaas van Witblits
nou Maroela
en dra, ou Koos
in plaas van sy Boxertekkies
nou Moses-sandale.
En ja, ou Koos ……………….
hie-hie-hie- hik-hik-hik …
hoe lag ek my nou in ‘n malkop-Kaketoe?
want, hê-hê-hê, hie-hie-hie, hik-hik-hik
hoe, hoe-hoe-hoe
vreemd, is ons ou wereld nie?
Tssk-ja, ou Koos …………..
©Elizabeth Greef
3 Kommentare
-
-
Elizabeth Greef
Baie dankie Anze, waardeer jou saamlees. Jammer dat ek so skaars is op ink. Besig om in te pak, trek oor 2 weke na 'n ander dorp. Alles baie deurmekaar en vat ek nie grond nie. Sodra ek my voete gevind het in die nuwe plek, kom kuier ek gereeld weer saam.
-
-
Koekekranka
Dit is nou ironie op sy beste!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Kostelik!! Pragtig gepen