Perfekte legkaart

Perfekte legkaart
Vir ouma “Ally”
(Ek kon nooit as kind sê ouma Ellie nie. En toe bly jy my ouma Ally)

Jy is deel van
Die legkaartstukke van my hart
Elke een het
‘n doel en ‘n bestaan
Jy was my geliefde ouma
En jy sal altyd
Die hoekie wees
Van wat bly
My perfekte lewenslegkaart

Al het jy
Ook nou gegaan
In my hart sal jy
Tot in ewigheid toe bly
Sonder wat jy bygedra het
Tot my hart en siel
Sal my legkaart onvolmaak wees
Minder die soet

Nooit sal ‘n persoon
Legkaartstukke kan verloor
Want die legkaart
Wat God vir ons kies
Ons vriende en familie
Kom in vol sirkel
Wanneer dit eindig
En die legkaart
Word nou legkaarte
Vol legkaartstukkies
Wat die gaping
In ons harte
Van jy ouma wat geneem is
Deur die tol
Van hierdie aardse lewe
Dankie my ouma
Vir vervulling van die legkaart
Van ons harte
En ons lewens