Reggekry

die vloer is glad

deur jare se skuur

van dekor bewegings heen en weer

van kunstenaars wat repetisies herhaal

van musiek, dans en toneel

om drome bo vloervlak te kry

 

Dan klap die hande

vloedligte bars oop, die gordyn gly verby

stof deeltjies vang die sekondes vas

tannies se mode resensies stop

en note, voete, stemme is in harmonie

die vloer dra nou die hoë kuns

 

in kortbroek

hardloop vuil kleinseun

deurdie buurman mielieland

veroordeel as ag die bywonerkind

nou stryk vingers, klop voete en styg die stem volmaak

egter nog net die vloer verstaan die kunstenaar