reiseling in taal (parodie)

intrede fase…
waar jy gedagtes in woorde uitspreek
waar dit vir jou mooi klink en jy dit wil deel
maar nie die vrymoedigheid het om dit te doen nie

opvolg fase…
waar jy jou gedagtes probeer orden
volgens eie-taal reëls en dit met ander mense deel
waar jy hulp kry en ook afkeur en teenstand moet verwag

mediaan fase…
waar jy genoeg moed en geld het
om jou gedagtes uit te ruil en selfs te publiseer
waar jy onbekend in die woestyn van woorde rond swerf

voete op aarde fase…
waar jou werke soms as blasé bestempel word
maar jy dit tog ook in ‘n bundel publiseer en uitgee
met lesers wat daarvan hou en ander wat dit verag

akademiese fase…
waar min mense by uitkom want dit behels status
van dié wat kan en het en die “taal” van status ken
hier vergaar digters van naam en word vernaam geroem

hemel op aarde fase…
hier beland slegs dié wat reeds dood is
enkelinge wat aan een of ander “taalstryd” gedeel het
of beskou word as deel van die noemenswaardige “academia”

©Teárlach

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag