Sandkasteel (Brons)

met korrelgedagtes
(deur genade beklad)
bou ek van gisterdrome
‘n sigbare skat

met sandsteenwoorde
(gestut deur lewenservaring)
laat ek dit gestalte kry
in verskillende
genres en strukture

beeldende klank resoneer
(skommel deur gemoed)
met wiegende maat
in eb en vloed

onvoorspelbaar die lewe
(voortvloeiend tussen see en land)
tog bou ons daagliks met vertroue in hoop
glo vas, Hy hou alles in stand

en wanneer storms woed
(alles in ‘n oogwink plat kom vee)
kyk ons hulpsoeken op en weet
Hy stap saam, tree vir tree

©Driekie Grobler

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag