SKAAKMAT
SKAAKMAT
Die Dame het die Koning onttroon
van hom minagtend haar pion gemaak
strategies buit sy haar stukke
in tydbeheer van sluwe middelspel nukke
met trane en verwyte skuif sy in magspel
die pion tot geïsoleerde menswees
verward en gekniehalter
op ‘n pioneiland van kragspel
Juig sy oor haar eie kroning
verhewe bo die gevalle koning
‘n dooie gees wat met palmwyn
en speserye, gemeng met Natron
gebuig is tot dorre nie bestaan
oorspeel sy haar hand
in ‘n alleenspel in hokke
van wit en swart blokke
sonder koning, kasteel
of mooi rokke
skaakmat karma die
dans van mammon gode
in die stad van die dode
Necropolis
2 Kommentare
-
Koos Elsum
Ja ek weet dis jare later maar gedigte staan mos in die tyd. Die gebruik van skaak spel in die mense spel is vir my baie interesant veral wat gebeur as die reëls verbreek word. Dankie Die gebruik vd die woord Natron enige besondere rede want dit het my na woordeboek laat kryp en dis maar net sout?
Maak 'n opvolg-bydrae
Jy moet aangemeld wees om 'n kommentaar te plaas.
Anze
Puik gedig!