Skatkamers van my hart
SKATKAMER VAN MY HART
in die voorportaal van my hart
hang beelde afwagtend op vergaan
sommiges slegs vervorm
ander in verlate gange
waar liefde nooit vertoef
soos ‘n lelie getooi in varskelk
loop jou voetstappe sag
na ‘n plek waar die maan sweet
en jou lippe myne evalueer
tussen mistige soet samesyn
dans ek in liefde met jou
vermom agter vurige emosie
my mond smeulend sag
oor die dou van jou lyf
gee ek my wese oor
aan die grafiek van jou kurwes
in passie en woordspeel
waar net ek en jy bestaan
in die skatkamer van my hart
@Anton Kilian
2 Kommentare
-
Zymrly
Ek hou besonder baie van hierdie uitstekende gedig. Een van die beelde wat vir my uitstaan - "tussen mistige soet samesyn dans ek in liefde met jou vermom agter vurige emosie my mond smeulend sag oor die dou van jou lyf"
Maak 'n opvolg-bydrae
Jy moet aangemeld wees om 'n kommentaar te plaas.
Meermin
Volpunte vir die een. Woordbeelde wat spreek. Hou sommer BAIE hiervan!