Skatkis van Woorde
terwyl my kersie brand
versamel ek die woorde
so vang niemand my onkant
want my skatkis van woorde
word alles in gedagtes gebêre
skryf ek vir jou ‘n briefie
my kleine hartediefie
snoesig warm toe gevou
staan my beker koffie lou
en my pen se ink wat vloei
woord vir woord saamgestel
van bladsy na bladsy
vleg ek my storie aanmekaar
sodat my verhaal jou lok
en nimmermeer nie skok
skemeraande volmaanslig
trek my na daardie antieke kis
waar ‘n skatkis met woorde wag
ryg ek hul uit om my briefie
vir jou te pos sonder ‘n fout
@Louisa van Vliet
Amazon
Ek is n kind van God en is Jesus Christus my alles. Ek baie ingesteld op die waarheid en is heeltemal gekant teen leuens. Opregtheid en Eerlikheid is n passie by my. So wat ek in my gedigte en stories bring, is op die waarheid gebaseer. Alles wat my in die lewe geraak het, bring ek in my gedigte uit. Ek is n Afrikaner en murg en been. Wat jy sien, is wat jy kry. Spontaniteit en vriendelikheid is my lewe. As jy op my tone trap, gaan jy my beslis van hoor. Ek se n ding reguit en draai geen doekies om nie. My gehoorsaamheid word aan God die Eer gegee, want Hy is in beheer van my Lewe.
Maak 'n opvolg-bydrae
Jy moet aangemeld wees om 'n kommentaar te plaas.