skete

winde van verandering waai
soos ‘n stewige suid-ooster
ruk en pluk aan al wat lewe

oues duik weg agter deure
jonges bly tuis om te leer
kamofleerde figure beweeg

kopers wys akrobatiese spoed
winkels toon “ons is toe” gesig
straatligte skyn in neon verstar

vier rigting strate wink vaal
robotte wissel soos voortande
sperstrepe lê verlate en leeg

wêreld se skete open in splete
aktiwiteite verstar in kompromie
met hewige plaag in traksie gehou

daar is net tonnels van duister
die lig verlaat stil die verhoog
elke hart krimp van skril vrees

saans is daar geel venster ligte
skyn oor donker swart strate
waar Lig verborge staan en wag

©Teárlach