Soekend

ons het mekaar gesoek, gevind
ons vir ewig aan mekaar verbind
beloof om te beskerm, te bemin
ons te kokon in hierdie liefdeskring

om en om doen ons die dans
gryp elk geleentheid, elke kans
soms harmonieus, in pas
soms verward, in mekaar in vas

soms spat ons kringe uitmekaar
soos opperman se draaikewers
soms raak ons driftig en verskrik
in ons eie waansin heel verstrik

waarom verloor ons dan ons pas
raak ons verbitterd en soms kras
verstrikkend in onenigheid
met so min tyd, tog só min tyd

® Copyright Estelle Rubow – 11 Sept 2017