Somer Vaarwel

Somer Vaarwel

Die swaeltjies maal en maal
en vergaar in swerms bymekaar in
die lug want hul het die nessies verlaat en
die seisoenstaal praat die somer is terminaal—

Venstertjies is toe die hortjies en gordyne getrek
die deurtjies gesluit en sleuteltjies veilig geberg,
ma, pa en kinders instinktief reg vir trek vort
op die eeue oue emigrasieweg noordwaarts—

‘n Laaste paar sierlike draaie lig gewiek
in verbyvlug vir oulaas vleuels wyd gespan
in ‘n tot weersiens vaarwelsaluut en met
laaste vlerkklap geniet die winter, Adieu!

Janetta – Helena [Babs] ©

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag