soms

net soms spoel die lewe,
half sout, half bitter,
soos ‘n klos van kant tot kant
en reinig in snelvloei
die sand in goud se blink
sien jy die braille
op die vel van jou leef
asof jou vingers die blind in
letters tasbaar kan maak
bly alles leeg,
ongevul soos een oue huis
met vensters sonder ruit,
net ‘n donker kykgat
verkeer jy in soeke
van eie vonds
op ou spore in doolhowe
van byster raak…
bly die lig
onder my donkermaan
jou beeld
wat my afgodies vermaan
@Anton Kilian