Splinternuwe dag
waar die son skaam
haar maagdevlies
in pienk oor horison kom skeur
word daglig na roosrooi verkleur
sprinkel sy traandruppels
in diamant-reënboë
oor tenger stingels
van die grastapyt
dan ontvou sag
die mooiste deel
van ‘n wonderskone
splinternuwe dag
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
4 Kommentare
-
Viooltjie
Die oggendstond bly maar die mooiste. Sag en tenger is jou gedig, broos soos die eerste lig:-)
-
Louie
weet nie waneer ek laas so 'n mooi beskrywing van die nuwe dag gelees het nie.
-
Amaspoke
So moet ons elke dag begin. Ek stem saam met Louie
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
Anze hierdie werk het n traan in my oog gebring dit is ongelooflik pragtig