Sterre hang nie net in die donker hemel nie
ek stap laatdag oor ‘n Weskus-strand
oor ontelbaar klein
klein korreltjies sand
en ek voel die grofheid van die skulpgruis
(hoe dit skuur en krap)
oral waar ek kaalvoet trap
en ek hoor die dofluid dreuning
(dis die breking van die branders)
en die donderende !klap!
van water teen ‘n rots
ek proe die soutsproei in die skemerlig
ek sien ‘n seemeeu, wat verby my vlug
en ek onthou weer . . .
daar’s ook sterre in die see
dalk
is heel te veel ook al gesê
oor die son wat in die Weste lê
en oor wolke met ‘n goue rand
en die vuurstreep, wat oor water brand
*
maar ék
ek onthou
jy’t vir my die sterre gegee
waternat-blink sterre
uit die vlak poeletjies
(tussen die klippe)
van ‘n Weskus-see . . .
© C. Shaw
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
12 Kommentare
-
-
Viooltjie
Hallo Jan Bly om van jou te hoor. Hoop jy gaan sommer gou begin skryf hier op INK
-
-
neels claasen
die see, doe kus en Carma as woordskilder is altyd n treffer
-
Viooltjie
Groot dankie, Neels. Ek waardeer :-)
-
-
Evelyn van der Merwe
en ek hoor die dofluid dreuning Hoe lekker is hierdie op die tong. Pragtig gepen.
-
Viooltjie
Hallo Evelyn. Gaaf om jou hier te sien. Baie dankie vir die saamlees en kommentaar :-)
-
-
Louie
Regtig mooi
-
Viooltjie
Groot dankie Louie. Ek waardeer dit :-)
-
-
borrels
Pragtig Viooltjie ... my gunsteling is natuurlik jou laaste strofe :-)
-
Viooltjie
Baie dankie, Borrels. Ja, die seesterre is ook pragtig en meet bereikbaar ☺
-
Anze
sjoe.. hierdie is nou sommer diep-mooi!!!
-
Viooltjie
Baie dankie, Anze. Ek waardeer baie :-)
-
Maak 'n opvolg-bydrae
Jy moet aangemeld wees om 'n kommentaar te plaas.
Jan
Soos altyd, Viooltjie op haar beste.