stikkende roep (Silwer)
uit die slikdam
van rou emosie
stu springgety van trane
teen onrealistiese hoop
bind tog my hoop in seeskuim
dalk gebreekte skulpe
dooie jellievisse of
knypers van krappe
tasbare bewyse dat selfs
hierdie oneindige storm
stil sal word
voor die Stem van die Meester
vrae soutkook in my gemoed
of enige mede pelgrim
sal waag
om te luister na my hulp geroep
© Francois Meyer
GEDAGTES
My naam is Francois Meyer, getroud met n pragtige vroutjie, Jessica. Ek is n trotse pa van vier seuns. Die kewe is ryk aan kosbare waarhede wat ons gedagtes daagliks vul. Soms het ons die moed om dit op papier neer te pen sodat ander dit kan lees. Hoop jy geniet die lees soos ek dit ook geniet!
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir November 2023 – OOP projek