Welkom, Besoeker
Welkom, Besoeker

Titel: Stilbly

Deur Jessica Venter
Datum gepubliseer: 31 Oktober 2019 Aantal woorde: 180 224 Kere gelees 7

soos ‘n plaag wat my in die donker bekruip
het verkragting my vreugde kom steel
toe jy my identiteit swartsmeer
met jou vieslike vraatsige vatterigheid
al die seer
begrawe ek diep in my gees
om so my tannie van pyn te spaar
want stilbly is ook ‘n antwoord

die ramp wat my innerlik verwoes
is die woorde van my pa
wat letsels oor my hart los
in sy dronk verdriet
saai hy verwoesting deur my lewe
wat ek in my siel toesmeer
om my ma die seer te spaar
want stilbly is ook ‘n antwoord

die geraamtes
wat in die skadu van my siel skuil
tuimel na jare uit hul kas
die pyn sny diep
en herinneringe koggel my
die ewige gevoel
van “ek’s nie goed genoeg”
lag my uit

al dompel depressie my in duisternis
het ek in die lig van vryheid
waarheid ontdek
en met vergifnis
is my siel losgekoop
my vreugde
het depressie se gat geskop
en vandag is ek sterker
as dit wat my wou breek
stilbly was toe nie die regte antwoord

©Jessica Venter
31/10/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 110
Kommentaar telling: 4

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 231 gaste aanlyn

Bydraes – Argief