Suid-Afrika se treurlied

o, treurig steun Suid-Afrika
gebuk onder die dodelike songloed
waar die son lag soos die dood
jaag al die waterwolke weg
stuur hulle in ‘n ander rigting
waar daar genoeg groen is
arme dam probeer sy bes
om sy uitgedroogde lande te voorsien

hoe lank moet Suid-Afrika nog verduur?
haar grondmond gebars van droogte
haar grondkeel verstik van dorheid
aarde fonteinoë smag na reën
die stem van bome kreun
plante baklei vir die laatse druppel
gronde swyg onder die stil geraas
Suid-Afrika sug soos ‘n ou vrou
haar treurlied gaan nog vir jare gesing word

Kopiereg: Roeline van Schalkwyk