Boer se vreugde

veersag fluister veewinde
sing saggies soos sangerreën
is ‘n belofte van Godsgenade
waai wasige wolke warm
na ‘n boer se droë hart
sy vaal land smag na genadewater

grommende grou storms gil
donker donderstorms dril
uit die swart hemelmond
reën knetter knalklap op die boer se dak
plofpof plas-spat die druppels op sy gronde
die dorrehel is weer tevrede

Kopiereg: Roeline van Schalkwyk