Swendel in die grendel

Weektema

Swendel in grendel

in die grendel word geswendel
miljoene verdwyn in broeksakke
ingeperktes aanskou stom geskok
stilswyes duur en sekuur gekoop

ongeregtigheid word oral gepleeg
in jul stormloop ly brose swakkes
kinders met starende honger oë
jy ry die duurste motor op die mark

sakke word voller en lywe ronder
onreg gepleeg sonder blik of bloos
armes verder verdruk en verontreg
jy skitter in jou nuwe pak/boetiekrok

onreg word hulpeloos aanskou
gevoelloos empatieloos self verryk
monde met omkoopgeld gesnoer
skrikbewind bly jul steeds voer

regverdiges wonder hoe lank nog?
uitkoms moet daar iewers kom
ek lees die woorde oor en oor
“Wees stil en weet, Ek is God …”

©Marianne Buys
19 Mei 2021 05:36
Foto PADLANGS

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag