Tyd Se Landlynverbindings
Tyd Se Landlyn Verbindings
Ons vind dit ondraaglik sonder landlyn of
die altyd byderhandse gerieflike selfoon
en sonder televisie is baie verlore—
Gehoor, spraak en sig is ons ondermaanse
kommunikasiemiddele en goeie lewensgehalte,
en word ons lewensdraad uiteindelik geknip
word ons landlynverbindings met die tyd
summier afgesny en toegang geblok en
jy versink in ewige stilte en duisternis
of die hemelligte word aangeskakel en
al jou fakulteite op hemelse vlak herstel,
dus lewe ons op hoop en hoorsê verwagtings
en die krag van geloof wat ons dra—
Janetta – Helena [Babs] ©
2 Kommentare
-
-
Janetta-Helena Boonzaaier
Baie dankie Anze, ek waardeer dit.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
baie mooi tannie Babs