Uitgepars (silwer)

die môrester begroet hul daar
die kort nag lank vergete
mens en masjien werk onverpoosd
deur skroeiwarm dae, verbete

die kulminasie tot die vrug
op die roep van die natuur
na die lang verwagte oestyd
in die songedrenkte uur

tot die swanger vragte eindelik taan
en die son skuif uit sy somerbaan

en die wynstok gee gelate oor
wat ander wen, het hy verloor

dis asof dit die teken is
tot herfsverval en koue rus

as die haas ontbinde parstyd-reste
saam profeteer oor die oesjaar-beste

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag