Jongste aktiwiteit:

Veilige hawe

Die jaar van die vark.

Kyk, op ‘n pitboel se lyf is daar geen bang haar nie. Hulle skrik vir niks. Of liewer, dit wil so voorkom. Sky is ‘n bul van ‘n pitboel. Sy gespierde lyf bult op plekke waar daar nie bulte kan wees nie. Sky is my waghond. My beste vriend.

Dis skuins voor middernag. Die nuwe jaar sal binnekort met luide basuin aangekondig word. Ek haat mense wat klappers skiet. Dis moeilikheid soek om ‘n pitboel in die huis te hou. Erger nog as daar twee van hulle is. Nog erger is die lewensgevaarlike klein worshond wat keffend sy misnoë aanteken. Hy is die opstoker.

Ek maak die honde op die agterstoep toe en gaan kruip onder die lakens in. Toe die eerste klapper met ‘n oorverdowende knal losbars, duik ek uit die bed. Magtag dis nog nie 12 uur nie. Ek gryp so in die hardloop na my japon. Tyd vir slippers is daar nie. Druk die sleutel behendig in die slot. Die staaldeur swaai oop net toe die volgende klapper ontplof. Ek voel hoe my voete onder my meegee. Gryp-gryp na spookhande en beland dan plat op my rug op die koue sement. Uit soos ‘n kers.

Die nat snoet teen my wang ruk my terug na die werklikheid. Klein fyn tjankgeluidjies kermend teen my oor. Die lug verkleur in reënboog ontploffings van geel, groen en rooi. Ek ruk regop. Swerkaters het my wragtig omgeduik. My klein worshond kyk smekend na my op. “Nou toe, waars die ander twee” mompel ek gemaak beduiweld. Stert tussen die bene hol hy voor uit.

Ek sien eerste die sterte onder die duvet uit steek. Bedremmeld verskyn die snoete en dan die smekende oë. “Jammer ounooi maar daardie klap was darm te naby aan onse sterte.” Ja nee, met ‘n pitboel sukkel jy nie. Groot gevaarlike honde met klein, klein hartjies van goud.




5 Kommentare

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed