verdienstelikheid

 

hoe kan ek dit verdien

wat reeds voor betaal is

 

genade op genade

aangebied om te aanvaar.

 

werk ek onverpoos

sloof ek myself heeltyd af

maak ek ‘n merk waar ek gaan

hoe lyk my spore wat ek agterlaat

 

ding ek mee om die eer

verwag ek meer as wat ek gee

skuld lewe my iets besonders

is ek een van God se wonders

 

diep binne my lê eer

alle eer wat ek begeer

soos lae verdroogde leer

 

slegs wete dat my spikkel

geen skaduwee kan gooi

geen plekkie self verdien

slegs deel is van Sy plan

 

daarin lê verdienstelikheid

in Hom en deur Hom alleen

 

© Tearlach.