Vul my Albasterfles

Vul my albasterfles (4de skryfkompetisie)

Diep in my gemoed
voel ek soos een van die tien;
wakend sal ek moet bly
of ‘n gebrek aan olie ly

trane vloei
as ek voor die Here buig
en bid – Heer my albasterfles voel leeg
kan U dit vul met olie uit U Gees

my antwoord kom
uit die lewendige bron
“jy is gereed en gewapen
deel van My soldatekring

neem op jou wapens
hou jou oë op My gerig
solank as jy by My bly
sal ek jou voed en stig

masjeer in stemming
met die Heilige Gees
en jou albasterfles
sal altyd vol wees.”

(Erkenning aan Jimmy Swaggart – Expositors Bybel – Marching in tune with the Holy Spirit. 1 Kron 12:38)
©PcV