Jongste aktiwiteit:

deur
vir Gedigte, Pendoring/INK kompetisie (SLEGS vir deelnemende lede)
Merkers:
, , , , , , ,
verwante:
15 gesien

Waar die hart is (opdrag 2)

dikwels, as ek deur hierdie voorstad ry
en spitsuurmotors kruie blink by my verby
laat ek my blik teësinnig
oor dié vooruitgang dwaal:
groot huise en fabrieke, torings in die mis,
die vaalheid van die vaal sement,
die ongenaakbaarheid van staal

huis voel nou soos ’n ander plek:
dis ’n Kannalandse droom
waar die aarde vry kan asemhaal
en mense nog in eenvoud
langs bontlapwasgoedlyne woon
dis waar kaalvoetkinders hout optel
om vredesvure te laat brand
dis die lui vlug van ’n swart kraai
oor Karooveld en ‘n rant

dis waar murasies in verslete skoonheid
op vlaktes en teen hellings pryk –
daar waar die hemel helder blou is
en wolke op hul witste lyk…

© Carma Shaw
17 Julie 2018
12:30




Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)

14 Kommentare

Maak 'n opvolg-bydrae

op
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed