Integriteit is nie te koop nie (Opdrag 2)
Sondag voor in die kerk
gaan jou stralende skynheiligheid
blindelings ongemerk
gebaadjie en gedas
met Gucci uit jou kas
en ‘n vet rol tiendes
om jou gewete blink te was
want Maandag by die werk
tref vlymskerp vloeke sterk
verneder en vergil jy
almal op jou pad
Tussen die armes van gees
mag jy ‘n afgod wees
maar die rykes van verstand
het jou setel lank gelede
tot koue as verbrand
In alle realiteit is jy ‘n arrogante leek
met vermaerde intellek
waar integriteit ontbreek
‘n armsalige rykmanskind
wat jou melk en heuning slinks
in nerf-af ouerhande vind
©Loretta Szikra
12 Kommentare
-
-
Loretta Szikra
Baie dankie Evanthe, dit was n baie moeilike opdrag vir my... gelukkig of ongelukkig bestaan die persoon werklik, so dit het dinge so bietjie vergemaklik.
-
-
Viooltjie
Sommer baie goed, Loretta 😊
-
Loretta Szikra
Baie dankie Carma. Dit het maar broekskeur met die woorde gegaan. 😂😂
-
-
Driekie
Uitstekende gedig, goed verwoord.
-
Anze
Pragtig, dankie vir jou deelname aan die Pendoring 2 / INK kompetisie
-
Carin Erasmus
dit is so treffend!!!!
-
Barbara
jy werk baie slim met woorde Loretta, dis baie goed xx
-
Loretta Szikra
Dankie baie Barbara en Carin vir julle saamlees ook. Ek waardeer.
-
Callie Vermeulen
Pragtig Loretta! Sterk.
-
Charleine
Die kwaai juffrou sê dis baie goed, Loretta! :)
-
Loretta Szikra
Baie dankie juffrou Olivier. Komende van jou is dit 'n groot kompliment! Dankie vir jou ondersteuning en al die jare se reghelp. Ek waardeer dit opreg. ❤
-
Maak 'n opvolg-bydrae
Jy moet aangemeld wees om 'n kommentaar te plaas.
Elroux
WOW Loretta, uitstekend gedoen