Geld wat stom is
In rooidag se guldestond
fladder verwyte vlymend rond
soos vonkvlinders wat ywerig
na die sterre raap
voor ń nuwe dag
die nag se laaste asem
ylings op kom skraap
Terwyl hy heelmaak wat krom is
met geld wat stom is
koop sý hom soms
met ń varingblom om…
betaal hy vir liefde
wat hy nóóit sal ken nie
en so, ry sy hom
pond en pennie – holrug
tot anderkant die hel
en brandarm t’rug
vergete die liefde
geld kóóp mos geluk
vergete vergete, sy Judasjurk.
©Loretta Szikra /Koeplet
3 Kommentare
-
Carin Erasmus
wat 'n ongelooflike stuk werk!!!!
-
Loretta Szikra
Baie dankie Carin☺
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Julie 2018 - OOP projek