Waar was jy? Goud

Waar was jy?

Waar was jy mamma

toe ek my eerste tree moes gee,

toe ek onseker en skaam die skool se stoep moes betree?

Waar was jy mamma

toe my voetjies sag soos vlindervlerke

oor die dansvloer Mozart-ritme gegly het

my oë soekend in die skare na ‘n afwesige jy?

Waar was jy mamma

toe ek in pure onskuld

my hart verloor het;

jou waarskuwing te laat gehoor het?

Waar was jy mamma

toe ek die kleine mensie teer

teen my hart kon druk

en deur onseker trane moes leer?

Waar was jy mamma?

Toe ek daardie laaste oproep kry –

wáár was ek mamma

toe jy so alleen

teen die donker moes stry?

Amanda dMeillon

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag