weskus skildery

klanke van see voëls oor die water
weergalm oor duineveld en fynbos
golwe wat breek in eie dreunsang
kwitter en kwakker van wit skuim
wat in lug op trek en barsend vlieg
musiek van die strand en blou see

eeue ou melodie van die skepping
wat was, weer word en gaan wees
spesies kom en gaan steeds verby
mense kom in geslagte en sterf af
duine gevorm en spoel weer weg
op my duin is daar nou nog plek

veldblomme ontpop in kleure mat
geel, oranje, wit en pers geverfde
gelapte komberse wat oor heuwels
strek en soos strepe van verfkwas
vlaktes optower in skilder tonele
wat verskyn en dan weer verdwyn

©Teárlach

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag