Wisselkind
Wisselkind
Op ‘n dag het ek rond gedwaal en
geval binne die blaaie van ‘n sprokie-verhaal.
‘n Volmaakte prins het my hart kom steel
en saam gevat na die skatkis in sy sprokie-kasteel…
Vir lank was die sprokie volmaak;
‘n Super-nova van lig in die duisternis –
Tot een dag wat jy verdwyn het en
‘n vreemdeling in jou plek kom staan –
Volkome die skadu-kant van wie jy was.
En steeds, na al die tyd brand dieselfde
vraag soos ‘n flikkerende neon-lig:
Wie en wat het my volmaakte liefde
gesteel en kom vervang met die
donker-kant van ‘n fee-verhaal se prins?
3 Kommentare
-
-
landivc
Baie dankie vir jou terugvoer. My hele idee vir die gediggie was gebaseer op die "changeling" legendes wat jy kry in ou Ierse legendes, dis hoekom ek die titel so gekies het. Ek het bietjie gewik en geweeg maar op die ou einde besluit dit pas die beste by wat ek wil doen met hom. Die meeste van my gedigte is vry-vers, dis hoekom ek nie so streng kyk na taal reëls met dit nie, ek skryf dit soos wat die kreatiewe denke kom, anders as met my stories waar ek erg krities is op taal. As ek met my gedigte te veel gaan fokus op die taal soos met die stories gaan dit net nie gebeur nie.
-
-
Anze
Ek is mal oor hierdie Wisselkind... diep gedagtes uiters mooi vasgepen!
Maak 'n opvolg-bydrae
Jy moet aangemeld wees om 'n kommentaar te plaas.
Eduard Smith
Ek dink dit is ´n goeie vers wat ongelooflike baie potensiaal toon. Ek wil ´n paar vrae vra, nie as kritiek nie, maar net sodat jy ook daaroor kan nadink: 1. Hoekom sou jou vers Wisselkind genoem word? Is dit omdat die ´prins´ van persoonlikheid sou verander? En is dit dan juis gepas? Wisselprins? 2. Sprokie word baie (veral in die eerste strofe) herhaal. Jy kan sinonieme soos: verhaal, fabel, storie, vertelsel, en selfs verdigsel gebruik. 3. Die hoofletters ná die aandagstrepe is onnodig. Ek dink jou idee in die gedig is pragtig, en jou aanbieding is beduidend talentvol. Antwoord gerus hierop anders gooi sommer ´n inboksie. Groete Eduard