Genade van ‘n insulien naal’
Onder die moegheid wat my neervel
ontbrand in my hierdie geweldige dors
weet ek dat daar iets met my geduld skort
as my tong verdroog in ‘n woestynkors.
In die bose kringloop van ‘n oormaat glukose
draf ek paaie na die gemakhuis
ontbind in my ‘n ongekende bose
maak die siekte hom stil in my tuis.
Dan begin my visie met my parte speel
ook amandel wat in wasems in my asem ruik
sal ek ooit weer kan sluk verby die knop in my keel
hoe bedaar naarheid as ketoasidose al my krag gebruik.
Deur die genade van ‘n insulien naal’
word my toekoms dan ongevoelig bepaal.
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
5 Kommentare
-
-
Anze
Baie dankie vir jou stilstaan Viooltjie ek waardeer dit baie
-
-
neels
treffende werk Anze laat mens dink
-
Koekekranka
Duidelik het jy eersterangse saamlewe hier verwoord. Welgedaan!
-
Kiekies
Grootse genade!! Jy het goed geskryf!
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
En wat 'n genade. My skoonma leef al 50 jaar met hierdie siekte saam en dis nie maklik nie. Goed beskryf, Anze