Want daar’s niks wat lewe gee soos water nie
en ek’s jammer vir jou skape
en ek’s jammer oor die bees
die somers was nou drie jaar lank
net veels te droog gewees
ek weet die vleie loop nie
en die veld is dor en vaal
ek wis die son se skroei sal nog
die laaste lewe
uit selfs ‘n bitterbos kan haal
maar ek bid vir jou ‘n reënwolk
net voordat ek gaan slaap
en stuur solank
‘n blou kan vol
koel, koel water uit die Kaap
© Carma Shaw
15 November 2015
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
8 Kommentare
-
Viooltjie
Sooo bly vir julle, Anze. Ek wens die res van die land, waar dit so bitter droog is, kry ook nou reën. Dankie vir die lees en kommentaar. Ek waardeer dit baie :-)
-
neels
Carma dankie vir hierdie pragwerk. Kroonstad het goeie reën gehad ook in die ovangsgebiede. Ons damme is vol en die rivier loop
-
Viooltjie
Dankie vir die lees en kommentaar, Neels. Dit is regtig goed om te weet dat julle damme en riviere vol is.
-
-
Koekekranka
Pragtig!!!
-
Viooltjie
Baie dankie, Koekekranka. Ek waardeer :-)
-
-
Kiekies
Ai man dis weer een van daai gedigte van jou wat my hart in my binneste laat jubel!!!
-
Viooltjie
Baie dankie, Kiekies. Ek is bly jy het saam gelees :-)
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
sjoe hierdie is ongelooflik mooi!!! Gelukkig het ons hier op die Springbokvlakte (Limpopo) baie goeie reen gehad en ons harte loop oor van dankbaarheid