Dit is goed so
Die blomme
het soos jou liefde
mettertyd verwelk
Die juwele
het ek lateraan
by die goudsmit laat smelt
Jou briefies
en ons kiekies
het tot vuil-geel verblyk
Mooi herinneringe
begin my stadigaan
een vir een ontwyk.
En dit is goed so.
Dis jou laaste woorde
wat aanhoudend
deur my gedagtes breek
Die spyker in ons kis
wat soos ń gifpyl
in my hart vassteek.
En dis ook goed so!
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Okatopi
Baie goed geskryf