Versugting
Maak my hart soos malvapoeding,
weer so sag en net so soet.
Maak my sterk soos donker koffie,
oorloopvol van vrouemoed.
Maak my kleurig,
maak my fleurig –
geurig soos die blomme van die veld.
Vul my weer met omgeeliefde –
genoeg
om selfs ‘n klip te smelt.
© Carma Shaw
17 September 2017
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
4 Kommentare
-
-
Viooltjie
Baie dankie, Bianca. Ek is bly jy het gelees :-)
-
-
Koekekranka
Kon mens maar net 'n vir 'n wyle mens se dors les by die fonteine waaruit jy jou digskatte put! Welgedaan!
-
Viooltjie
Groot dankie, Koekekranka. :-)
-
Maak 'n opvolg-bydrae
Jy moet aangemeld wees om 'n kommentaar te plaas.
Bianca van Niekerk
Sjoe, dis treffend en laat my sommer goed voel!