Anders as wat was
As ek nou terug dink
sien ek jou
anders,
dit is in die nou
waar gister lewe
anders as
wat ek gister onthou;
dis dalk perspektief
weg van dit wat jou
soms so maklik kan verblind
en die prentjie
wat in my geestesoog lewe
is tog anders
maar dieselfde;
dieselfde in die sin
ek sien nogsteeds
wat jy nie wou sien
ek voel nou nog
met my hele hart
dit lewe nog,
maar dit is my storie
wat lewe in my
anders
as wat jy dalk sien
as jy terug dink
aan daardie somersdag,
daardie dag toe jy my hart
saam jou gevat het,
saam op daardie lang pad
huistoe;
en anders as dit
is my perspektief dit –
jy’t nou nog my hart
daar iewers
tussen deur jou stories,
daar iewers
lewe ek nog
anders.
Chantelle Holder
© 2015
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.