Versprei

Sy behoort nie
aan iemand nie.
Sy behoort nie aan ‘n man nie.
Haar siel is
fyngetrap
in stukke getrap
lank gelede
deur
baie mense

die stukkies het verpoeier en
is opgeneem
met die wind en
versprei
deur die heelal en
soms
as jy gelukkig is
kan jy van die stukkies sien blink
in
die maan of
die sterre

jy kan haar sien lag
in die wolke
voel
as die wind deur jou hare streel

jy kan haar hoor
as die wind
in die bome praat soms
as jy gelukkig is
want

haar siel behiort nie
aan iemand nie
behoort nie aan ‘n man nie

dit behoort
aan die heelal

@Anria
(2018/03/05)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag