Vlerke van geloof

Vlerke van geloof

Soms is dit donker nag
sonder lig, sonder krag
geen uitkoms te gewaar
hoe hard jy ook al staar.

Soms is dit donker nag
maar dan moet jy bly wag
ʼn antwoord sal jy vind
want jy is God se kind.

Soms is dit donker nag
maar wag … dit word weer dag
Sy vlerk oor jou gevou
sal Hy jou veilig hou.

Soms is dit donker nag
maar weet jy sal weer lag
die donker gaan verby
God bly by jou en my.

Soms is dit donker nag
maar die wat op God wag
vlieg hoog op arendsvlerke
want geloof ken geen perke.

©Stephan Uys 2019/01/14