Towerliefde

Het ek maar vlerke gehad,
of dalk ‘n ou towermat.
Dan gly ‘k elke aand
verby die silwer maan
ontmoet jou iewers daar…

Dan dans ‘k en jy ligvoets
oor die ragfyn sterrevloer
op ritmes van ons hartklop.
Dis daar waar tyd sal stop
en geluk vry gallop.

Maar nou, skryf ‘k liefdesrym
soms in koeplet of kwatryn.
Dan lees ‘k dit vir die wind;
hoop dat my woorde jou sal vind;
jy dit aan jou hart sal bind.

© CJ Laing – 31/03/2019
foto: www.spacetelescope.org

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag