Perspektiewe (Brons)

Perspektiewe

soveel menings geopper
sake van belang bespreek
elkeen het eie perspektief
jy sien ‘n ses, ek sien ‘n nege

die debat raak soms heftig
kan jy dan nie sien wat ek sien?
so wil ons menings afdwing
almal kwaad oor verskille

wie is reg en wie is verkeerd?
soms is daar nie reg of verkeerd
net verskillende perspektiewe
dalk net ‘n leef en laat leef

so bombardeer ons mekaar
vertrap mekaar oor eie menings
verhoudings in woede gesneuwel
was dit regtig die onmin werd?

later jare leer mens te verdra
woorde in sagtheid te spreek
die wete van hoe jy woorde sê
wat verhoudings bly bewaar

©Marianne Buys
24 Mei 2021 08:38

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag