ware woning (SILWER)

ware woning

Sondag is soos sproeireën na die week
as die wêreld se voetval stiller word
en doudruppels sagte seën uitstort
weet ek: die Sabbat het aangebreek

met opwinding gaan ons na Sy huis
soos dit duidelik sê: die kleine kind
sal vreugde by hul mammas vind
so kom ons by strome van seën tuis

die stormwind-dae wat huilend raas
verwoes vrede wat hul pad kom kruis
om weer uit te woed en tot rus te kom
in sagte sproeireën-seën met geen haas
vind ons ons ware woning: in Sy huis
is ons soos klein kinders, tuis in Sy heiligdom

©Marlene Erasmus
31/08/2022

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag