aan die einde (Goud)

aan die einde

die son het oor die westerkim gesink
in kleure soos die vere van ’n vuurvink
ek het asemloos na die skouspel gestaar
want dit het my aan jou laat dink

toe ek die eerste roep van ’n ooruil hoor
het ek geweet die stryd is verloor

die nag het stil oor die veld nader geloop
en die hemel in silwerswart fluweel ontplooi
toe sterre die naglug soos juwele behang
het die dag sag gesterf in tinte van rooi

as jy die felheid van die son kan verduur
is daar skoonheid in elke sterwensuur

© Hester Steenkamp

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag