Aborte Vendicta (Goud)

mamma,

jy het my eersgeboortereg verpand

maar ek het bly glo

aan die hoop dat jy my sou liefhê

maande lank het ek vasgeklou

aan die warm liefde

binne die kokon van jou koue hart

wat my nie wou hê nie

vasgekluister

aan die naelstring

van ons saamwees

terwyl jy ons eenheid betreur

mamma,

my eerste stilkreet

was na jou

terwyl ek warm nakend in die staalkrip lê

en kyk hoe jy leweloos koud

in die smaak van rooi verraad

onder ‘n wit doek rus

mamma…

aborte vendicta

”ek vergewe jou’

Amanda DM

*Aborte Vendicta — gewreek deur aborsie

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag