Amber Liefde
Roes rooi vertoon ons
as ons val
van bome van die hart
As ons wankel in
ons ruimtes
onmeetlik so vol
van smart.
As die son goud drup
oor die vlakte
en die gras waai
soos golwe prag
Tot wanneer herfs
knip oog
vir die winter
Sal ek op jou wag.
”Amber rus ons liefde,
in afwagtiging
dat dit wéér ontspring”
Vir ewig aan
ons hartklop
n rusplek
en versugting bring.
Na die herfs se
wonder kleure
Selfs na die winternag
se kou,
wanneer lente son
rinkink
En die somer
nader wink.
Selfs dan rus sagte
lief wees,
in stom afwagting
om arms om mekaar te vou
opnuut weer te ontspring.
Ch Nel Venter
Ek floreer op n vlak waar woorde en emosie ontmoet, hande vat en net daar en dan die Tango dans. Die lewe gooi soms skerp draaie met n mens, maar as jy aanhou dans skuif dit die fokus op die geskenke wat die lewe bring, nie die wonde nie. Skryf is my passie, daarom is ek hier.
6 Kommentare
-
Anze
Hierdie is baie mooi vasgepen! Baie dankie vir jou pragtige bydrae tot die herfs projek
-
Ch Nel Venter
Dankie Neels en Anze.
-
Viooltjie
Mooi een, baie goed gedoen :-)
-
Linnie van Niekerk
Dit is 'n baie mooi gedig. Jy tower met woorde
-
Ch Nel Venter
Vreeslik dankie almal van julle
-
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
ditb is nou werklik n pragtige werk