Alles kom tot as
hier sit ons nou
jy kyk vir my
ek kyk vir jou
deur skerms propvol woorde
hunker ons na oorde
na tye
toe ons nog kon praat
wat gesê is, is gesê
dit wat gedaan is
het geen keer
en hoe klein is ons verweer
wanneer harte sommer net wil bloei
(oor elke wond sal rowe groei
met tyd sal letsels ook vervaag)
vir oulaas kom ons woorde tot ‘n vuur
maar die uur voorspel die lot
van elke vlam wat is
en ooit hier was
die reeds bepaalde pad wat alles loop
en met hande, half onwillig
vee ons die laaste assies op ‘n hoop
hier sit ons nou
jy kyk vir my
ek kyk vir jou.
© C. Shaw
12 Februarie 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
6 Kommentare
-
neels
Carma op haar beste
-
Evelyn van der Merwe
Menige van ons wens dat ons woorde kan terugtrek maar dit kan nie ongedaan gemaak word nie. Mooi gepen.
-
Wolfram
Dis baie mooi!
-
Elizabeth Greef
Die verslaentheid kom so goed deur. Emosie vas gepen. Goeie werk.
-
Viooltjie
Baie dankie Elizabeth, Wolfram, Anze, Neels en Evelyn vir die saamlees en kommentare. Ek waardeer dit baie :-)
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig