Jongste aktiwiteit:

Binnelandskap

Binnelandskap

Dis 11 Junie 2022
die plaaswerf is spierwit vanoggend
en ek dink by myself, neewat
die seisoene is nog mooi in plek
al is aardverwarming op almal se lippe
en op hierdie koue wintersdag
moet ek groet, ons geliefde grond
hier waar my wederhelf se spore lê
hier waar ek geborge voel
nooit sou ek kon dink
dat hierdie dag sou kom
maar in die ryptrap van ‘n winterlandskap
diep binne my hart, is ek nou gereed
reg om myself te verplant

ons seun trap mooi in jou spore
jou nalatenskap groei in die lande
na ses winters begin die ryp al smelt
blink die dou in die oggendson
‘n nuwe seisoen wink vir my
net in tyd
mooi in plek

(c) Elisma van Zyl




1 Kommentaar

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed
  • Yolandi het n geregistreerde lid geword

  • Hermien het n geregistreerde lid geword