Biosfeertafereel (opdrag 8)
Biosfeertafereel (opdrag 8)
1. Die Biosfeertafereel is ’n ritmiese gedig waarvan die strofes 6 lyne lank is. Enige aantal strofes kan gebruik word.
2. Dit beskryf landskappe en/of gebeure wat met natuurlewe te doen het.
3. Die rymskema is baie spesifiek nl. abcddb
4. Die derde skryflyn van elke strofe moet ’n baie sterk ooreenkoms met mekaar toon.
Gariepdagbreek
Bo die groot Karoo
waar die skadu’s diep
agter donker heuwels, ver
vlug ’n raafswart kraai
met ’n wye draai
en verdwyn oor die Gariep.
As die nag se blou
goud en oker raak
bo die purper heuwels, ver
swerf ’n sekelmaan
in sy wentelbaan
oor skemervelde wat ontwaak.
In die son se vlam
wat oor vlaktes vuur
voor vaalbruin heuwels, ver
rooi die stoppelgras
– wat pas nog duister was –
in die geboorte van die uur.
© Carma Shaw
28 Augustus 2018
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
9 Kommentare
-
Elroux
WOW goed gedoen Carma
-
Viooltjie
Baie dankie, Elroux. Ek waardeer 😊
-
-
Carin Erasmus
uitstekend!!
-
Viooltjie
Groot dankie, Carin :-)
-
-
Callie Vermeulen
Pragtige gedig en goeie skepping Carma.
-
Viooltjie
Baie dankie, Callie. Ek waardeer 😊
-
-
Loretta Szikra
Wow Carma, dis prentjie pragtig.
-
Viooltjie
Ek waardeer, Loretta. Dankie
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou deelname aan die Pendoring 2 / INK kompetisie