Boveld nooi
my nooi Karin van die hoëveld
boveld meisie van verlangevlei
vaalhaarnooi – blouoognooi
tintelende wange perskerooi
hoëveld-nooi
boveld-nooi
hartjie o so mooi
plaasnooi met handjies fyn en fraai
draai die naald flink deur kant en breiwerk
krale – stringe – kaartjies
niks bly skeef as haar hand daardeur weef
hoëveld-nooi
boveld-nooi
hartjie o so mooi
lang-arm-dans-koningin wals sy voor
swaaiend lokkend skalkse glimlag
ogies dartel vrolik
bloesend my hoëveld blom se wange
hoëveld-nooi
boveld-nooi
haar hartjie so mooi
jou kosmos kleure fladder oor my
betower my hart en my siel
boveld nooi – hoëveld nooi
saam moet ons ewig fladder en sweef
hoëveld-nooi
boveld-nooi
hartjie altyd mooi
© Teàrlach
4 Kommentare
-
-
Tearlach
Baie dankie vir jou mooi woorde. Ek waardeer
-
-
Vonnie
Baie dankie vir jou inskrywing vir die sing-'n-trefferliedjie-los kompetisie.
-
Vonnie
Omdat hierdie twee inskrywings van jou reeds volledig liedjies is, ('n eerste) wil dit vir my lyk asof daar nog 'n kategorie vir die skryf-'n-trefferliedjie-los kompetisie daar gestel sal moet word. Daarom sal ek dit baie waardeer indien jy vir my die volgende inligting sal deurgee asseblief. (Het 'n privaat boodskap gestuur, maar dit wil voorkom asof jy dit nie ontvang het nie? Verskoon dus maar die reaktiewe kommentaar hier, vriend). Wat beide die liedjies betref, afsonderlik: Name van liriekskrywer(s), komponeerder(s)en sanger(s) en of genoemde persone Ink-lede is? Baie dankie hoor.
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Baie oulik, ek het die liedjie geniet