Dagboek van seisoene

soos ’n droom kruip winter
uit die dagboek van seisoene
en poets haar skoene
witter-en-witter-en-witter
met die ryp se gryp
totdat hulle sneeuwit skitter

sy vlokkiespoor met grasie
oor die landskap prentjie
’n volmaakte komposisie
onder yl heuningstrale
van die son se missie

meesterlik uitgebeitel
lê skitterende landskapsvisioene
gedagboek in lig en skadulyne
van die seisoene
——-ooo000ooo——-
(© Pieter Mostert)
(Silwer)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag