Danse macabre (Silwer)

Dans asof niemand sien nie?
Dit maak snedig geen
snars se skedelbeen
saak nie.

Of ek leef, of sweef,
of plat op my ruggraat
rus,
uitgewerwel skeef
in rigor mortis
en uit wans –
dit maak nul verskil nie,
raak nie ‘n siel nie,
traak jou niks.

So, in triplikaat
en dubbel ontken
kan ek nie, nie, nie
in my wals
se een, twee, drie,
tot ek blou in die gesig
en kisserig,
wag vir een omkyk
na my (en hoe ek) lyk.

Charleine Collins © Desember 2019
Illustrasie: httpswww.eugeneweekly.com20191031dance-macabre

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag