Jongste aktiwiteit:

deur
vir Gedigte, Groot skryf kompetisie
Merkers:
Related:
362 views

Die dae hier, is vanielje …..

Die dae hier, is vanielje,
bloeiselboontjie-geurig-ryk,
maar ek mis,
(soos met ons eerste seun se geboorte),
die teerhied in jou oog se kyk
na my borste se soogvolswel
toe in volsirkelliefde,
‘n druppel daaruit
opwel.

Ja, die dae hier, is vanielje,
soos sampanje
hou ek elke sekonde op ys,
die skemer se purper-oranje
en die voëls se nesmaak-
prys.

Hoor ek soms nog jou stem
onder die diamantnaaldjie van my hart,
(Lara’s song wat bly draai en draai),
leef daar, my Lief, van alle pyn ontbloot
tog iewers, ‘n nuwe
hoop.

Die dae hier, is vanielje,
‘n koele lafenis vir my drooglê-keel,
pluk ek, (vir jou satyngeborduurde lapel),
papawers sinjaalrooi en eiergeel,
vir, as in weer ontmoet vanuit die hemel,
ons die ou tentopslaan-aarde
se verskietende sterre
tel.

Die dae hier, is vanielje…….

©Elizabeth Greef




9 Kommentare

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed